کھیل

پہلے سیمی فائنل میں پچ سازش کی باتیں احمقانہ: گواسکر

کونسل نے کہا ’’آخری لمحات میں پچ کی تبدیلی ایک عام طریقہ کار ہے کیونکہ اس قسم کا ٹورنامنٹ طویل ہوتا ہے اور ماضی میں بھی ایسا کئی بار ہو چکا ہے۔‘‘

ممبئی: عظیم بلے باز سنیل گواسکر نے کل ہندستان اور نیوزی لینڈ کے درمیان کھیلے گئے ورلڈ کپ کے پہلے سیمی فائنل میں پچ کی سازش کی بات کو احمقانہ قرار دیا ہے۔

متعلقہ خبریں
نیوزی لینڈ نے دوسرا ٹی ٹوئنٹی 21 رن سے جیت لیا
ویراٹ کو دوبارہ ٹسٹ کپتان بنانا چاہئے: سابق کپتان
’سمیع ہم تمہارے ساتھ ہیں‘ راہول کا پرانا ٹویٹ وائرل
انوشکا نے ویراٹ کو گلے لگایا۔ تصویر وائرل
سری لنکا کی ورلڈکپ میں پہلی کامیابی

میچ کے بعد گاوسکر نے کہا ’’جو بھی احمق جو پچ بدلنے کی بات کر رہے ہیں، مجھے امید ہے کہ وہ چپ ہو جائیں گے اور ہندوستان کو نشانہ بنانا بند کر دیں گے۔ پچ کی تبدیلی کے بارے میں بات نہ کریں۔ یہ دونوں ٹیموں کے لیے تھی۔‘‘

انہوں نے کہا ’’دوسرا سیمی فائنل ابھی نہیں ہوا ہے اور وہ احمد آباد میں پچ بدلنے کی بات کر رہے ہیں۔‘‘ انٹرنیشنل کرکٹ کونسل (آئی سی سی) نے بھی بعد میں یہ واضح کیا کہ سطح میں تبدیلی سے قبل آزاد پچ کنسلٹنٹ اینڈی ایٹکنسن کو اعتماد میں لیا گیا تھا۔

کونسل نے کہا ’’آخری لمحات میں پچ کی تبدیلی ایک عام طریقہ کار ہے کیونکہ اس قسم کا ٹورنامنٹ طویل ہوتا ہے اور ماضی میں بھی ایسا کئی بار ہو چکا ہے۔‘‘ انہوں نے کہا کہ یہ تبدیلی ہمارے میزبان کے ساتھ مل کر وینیو کیوریٹر کی سفارش پر کی گئی ہے۔ آئی سی سی نے کہا کہ اٹکنسن ہمارے آزاد پچ کنسلٹنٹ ہیں اور تبدیلی سے آگاہ تھے۔

آئی سی سی نے کہا ’’آئی سی سی کے آزاد پچ کنسلٹنٹ کو تبدیلی کے بارے میں مطلع کیا گیا تھا اور اس کے پاس یہ ماننے کی کوئی وجہ نہیں ہے کہ پچ اچھی نہیں کھیلے گی۔‘‘ آئی سی سی ورلڈ کپ میں کھیل کے حالات کے مطابق میزبان ایسوسی ایشن پچ کا انتخاب اور اسے تیار کرنے کی ذمہ دارہے اور ضروری نہیں کہ ناک آؤٹ میچز تازہ پچوں پر ہی کھیلے جائی۔