کویتا کی کار کی تلاشی

حیدرآباد: اسمبلی انتخابات کے پیش نظر انتخابی کمیشن کی نگرانی میں رقومات، شراب اور دیگر اشیاء کی منتقلی پر پولیس کی کڑی نظر رکھی ہوئی ہے۔

ریاست میں ٹرانسپورٹ وہیکلس، بسوں اور کاروں کی تلاشی لی جارہی ہے۔

اِسی سلسلہ کے تحت آج پارٹی اُمیدوار کی انتخابی مہم چلانے میں مصروف رکن قانون ساز کونسل کے کویتا کی کار کی تلاشی لی گئی۔ کویتا‘ نظام آباد میں انتخابی مہم چلا رہی ہیں۔

یہاں اِس بات کا تذکرہ بھی ضروری ہے کہ گزشتہ روز پولیس نے بھدرا دری کوتہ گڈم میں چیف منسٹر کے چندر شیکھر راؤ کی کار اور اِس سے پہلے وزیر داخلہ محمد محمود علی، وزیر بلدی نظم و نسق کے ٹی راما راؤ، وزیر تعلیم پی سبیتا اندرا ریڈی اور دیگر کئی قائدین کی کاروں کی تلاشی کی تھی۔