تلنگانہ کے فوجی جوان نے پنجاب میں خودکشی کرلی

حیدرآباد: تلنگانہ سے تعلق رکھنے والے ایک فوجی جوان نے پنجاب میں خودکشی کرلی۔اس فوجی جوان جس کی شناخت ضلع کریم نگر کے گوڈی شالہ علاقہ سے تعلق رکھنے والے این راماکرشنا کے طورپر کی گئی ہے، نے کل شب یہ انتہائی اقدام کیاجس کی وجہ معلوم نہ ہوسکی۔

رشتہ داروں کو موصولہ اطلاع کے مطابق اس نے کیمپ میں پھانسی لے کرخودکشی کرلی۔راما کرشنا پانچ سال پہلے فوج میں بھرتی ہوا تھا۔وزیرٹرانسپورٹ و بی سی ویلفیر پونم پربھاکراوردیگر نے فوجی جوان کی موت پر گہرے دکھ کااظہار کیا اور اس فوجی جوان کے ارکان خاندان سے تعزیت ظاہر کی۔