سوشیل میڈیاشمالی بھارت

چرچ میں توڑ پھوڑ، آگ لگا دی گئی، دیواروں پر رام تحریر

مدھیہ پردیش کے نرمدا پورم ضلع میں نامعلوم افراد پر مشتمل ایک گروپ نے ایک چرچ کو نذرِ آتش کیا اور اس میں نجاست پھیلائی۔

بھوپال: مدھیہ پردیش کے نرمدا پورم ضلع میں نامعلوم افراد پر مشتمل ایک گروپ نے ایک چرچ کو نذرِ آتش کیا اور اس میں نجاست پھیلائی۔

متعلقہ خبریں
سنجے راوت کے ریمارک پر رام مندر کے صدر پجاری کی تنقید

پولیس نے پیر کے دن یہ بات کہی۔ مقامی افراد نے پایا کہ اندر فرنیچر جلا ہوا ہے‘ دھویں سے دیواریں سیاہ ہوگئیں اور عیسائی عبادت کے ہال میں دیواروں پر رام تحریر کیا گیا۔

نامعلوم ملزمین کے خلاف تعزیرات ہند کے تحت ایک کیس درج کیا گیا ہے۔نرمدا پورم کے سپرنٹنڈنٹ آف پولیس گرو کرن سنگھ نے کہا کہ ابتدائی تحقیقات کے مطابق ملزمین لگ بھگ 5 سال قبل تعمیر کئے گئے اور ضلع ہیڈ کوارٹر سے 40 کیلومیٹر دور واقع چرچ میں کھڑکی کی جال نکال کر داخل ہوئے اور اندر سے اسے جلایا۔

ایک عہدیدار نے واقعہ کے سلسلے میں درج کرائی گئی شکایت کا حوالہ دیتے ہوئے کہا کہ آگ میں چند مذہبی کتابیں اور فرنیچر سمیت دیگر اشیاء بھی تباہ ہوگئیں۔ یہ چرچ کیسالہ بلاک کے سکھتاوا موضع میں واقع ہے اور یہ امریکہ میں ایونجیلیکل لوتھرن چرچ سے ملحقہ ہے۔