حیدرآباد
ٹرینڈنگ

نوٹ سب سے لیں ووٹ بی آرایس کودیں:کے ٹی آر

کے ٹی آر نے بی جے پی پر تنقید کرتے ہوئے کہاکہ یہ پارٹی رضا کارجیسی فلم بناتے ہوئے مذہب‘ذات کے نام پرعوام کو تقسیم کرتے ہوئے الیکشن جیتناچاہتی ہے۔

حیدرآباد: ریاستی وزیر کے ٹی راماراؤ نے عوام سے کہاکہ اپوزیشن قائدین کی جانب سے دی جانے والی رقومات وصول کرلیں لیکن آنے والے انتخابات میں بی آر ایس کوہی ووٹ دیں۔

متعلقہ خبریں
’پیپر لیک معاملہ، کے ٹی آر کی وزارت کے ملازمین کا اہم رول‘
سالگرہ تقریب میں پہنچ کر ہنگامہ آرائی، 4 زنخے گرفتار
پارچہ صنعت کے فروغ کیلئے اقدامات کی ضرورت: کے ٹی آر
جمہوریت کے دفاع میں متحدہونے کاوقت آچکاہے:اپوزیشن
بی جے پی قائدین سے کے ٹی آر کی ملاقات

انہوں نے کہاکہ کانگریس قائدین کئی اسکامس میں ملوث ہیں جوحرف تہجی اے سے زیڈتک ہوتے ہیں اوروہ برسراقتدار آنے کا دن میں خوب دیکھ رہے ہیں۔ انہوں نے کانگریس پر تنقید کرتے ہوئے مزید کہاکہ جودہوں تک حکومت کی ہے اب ہمیں نئے اسکیمات کے ذریعہ بے وقوف بنانے کی کوشش کررہے ہیں۔

انہوں نے سوال کیا کہ جو200روپے وظیفہ نہیں دے سکے وہ اب 4000روپے وظیفہ دینے کی بات کررہے ہیں کیاآپ اس پر یقین کرسکتے ہیں۔ کیاآپ نے نہیں دیکھاکہ کے سی آر نے 10سال کے دوران کیا کارنامہ انجام دیا لہذا انہیں تیسری مرتبہ چیف منسٹربنایاجائے۔

انہوں نے بی جے پی پر تنقید کرتے ہوئے کہاکہ یہ پارٹی رضا کارجیسی فلم بناتے ہوئے مذہب‘ذات کے نام پرعوام کو تقسیم کرتے ہوئے الیکشن جیتناچاہتی ہے۔