حیدرآباد

 کے سی آر کی نومنتخب ارکان اسمبلی‘سابق وزراء سے بات چیت

119 رکنی اسمبلی میں کانگریس کے 64 امیدواروں کی کامیابی کے بعدکے چندرشیکھرراؤ نے اتوار کی شام سرکاری رہائش گاہ پرگتی بھون کوالوداع کہتے ہوئے ایراویلی میں واقع اپنے فام ہاوز کیلئے روانہ ہوگئے تھے۔

حیدرآباد: تلنگانہ میں کانگریس کے ہاتھوں اقتدارکھونے کے ایک دن بعدبی آرایس سربراہ وکارگزار چیف منسٹر کے چندرشیکھرراؤنے پیر کے روز ایراویلی کے فام ہاوز میں پارٹی کے نومنتخب ارکان اسمبلی‘ سابق وزرا اور سینئرقائدین سے ملاقات کی۔

متعلقہ خبریں
سی پی آئی اور کانگریس میں تنازعہ جاری
41 برسوں کے بعد کسی وزیراعظم کا دورہ عادل آباد
سکندرآباد کنٹونمنٹ: ضمنی الیکشن کی تاریخ کا اعلان، امیدوار کا انتخاب تمام پارٹیوں کے لئے مسئلہ
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
بی آر ایس قائد ملا ریڈی کی کانگریس میں شمولیت کا امکان

اسمبلی الیکشن کے نتائج کے بعد کے چندرشیکھرراؤکی پہلی تصاویر اور ویڈیوز سوشل میڈیا پر بڑے پیمانے پر وائرل ہوئیں جن میں بی آرایس سربراہ کے سی آر کو پارٹی کے نومنتخب ایم ایل ایز اور سابق وزراء سے بات چیت کرتے ہوئے دیکھاگیا۔

سابق اسپیکر اسمبلی پوچارم سرینواس ریڈی‘سابق وزراہریش راؤ‘محمودعلی‘سرینواس گوڑ‘ٹی سرنیواس یادو‘ ملاریڈی‘ پی سبیتااندرا ریڈی اور دیگر سابق چیف منسٹر سے ملاقات کرنے والوں میں شامل ہیں۔

119 رکنی اسمبلی میں کانگریس کے 64 امیدواروں کی کامیابی کے بعدکے چندرشیکھرراؤ نے اتوار کی شام سرکاری رہائش گاہ پرگتی بھون کوالوداع کہتے ہوئے ایراویلی میں واقع اپنے فام ہاوز کیلئے روانہ ہوگئے تھے۔

ریاست میں تقریباً 10 برس تک حکومت کرنے کے بعد کے سی آر نے پارٹی ایم ایل ایز اور قائدین کوعوام کا فیصلہ قبول کرنے کا مشورہ دیااورکہاکہ ان کی پارٹی تعمیری اپوزیشن کارول ادا کرے گی۔