تلنگانہ

ذات پر مبنی سروے کو متفقہ طورپر منظور کرنے پر تمام جماعتوں سے تلنگانہ کے وزیر بی سی ویلفیر کا اظہار تشکر

تلنگانہ کے وزیر بہبودی پسماندہ طبقات پونم پربھاکر نے کہا ہے کہ کانگریس پارٹی نے تلنگانہ اسمبلی انتخابات کی مہم کے دوران ذات پر مبنی سروے کروانے کا وعدہ کیا تھا۔

حیدرآباد: تلنگانہ کے وزیر بہبودی پسماندہ طبقات پونم پربھاکر نے کہا ہے کہ کانگریس پارٹی نے تلنگانہ اسمبلی انتخابات کی مہم کے دوران ذات پر مبنی سروے کروانے کا وعدہ کیا تھا۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
بی آر ایس قائد ملا ریڈی کی کانگریس میں شمولیت کا امکان
حیدر آباد کو بھاگیہ نگر بنانے بی جے پی امیدوار مادھوی لتا کی مہم
رضا احمد خان کوجواہر لال نہرو یونیورسٹی کی جانب سے پی ایچ ڈی کی ڈگری

انہوں نے ذات پر مبنی سروے کو متفقہ طور پراسمبلی میں منظور کرنے پر تمام جماعتوں کا شکریہ ادا کیا۔ انہوں نے کہا کہ وہ کسی کے خلاف نہیں ہیں۔

ہم نے اس پر تمام جماعتوں کی رائے لی ہے۔ انہوں نے کہا کہ یہ حکومت کی خواہش ہے کہ کمزور طبقات سماجی، سیاسی اور روزگار کے شعبوں میں ترقی کریں۔

انہوں نے سابق وزیر بی سی ویلفیر پر ناراضگی کا اظہار کیا کیونکہ گذشتہ روز ایوان میں اس بل کو پیش کرنے کے دوران کئی بار ایوان کو گمراہ کیا گیا۔

انہوں نے کہاکہ سابق وزیر اگر بی سی کے ساتھ مخلص ہیں تو 10 سال میں اس پر بات کیوں نہیں کی؟ تمام لوگوں کی سروے رپورٹ سامنے کیوں نہیں آئی…؟