ایشیاء

عمران خان کی ضمانت منسوخ کردینے اسلام آباد ہائی کورٹ کا انتباہ

عمران خان کے وکیل نعیم حیدر پنجوتھانے کہا کہ وہ آج عدالت آنے سے قاصر ہیں۔ حاضری سے استثنیٰ کی درخواست داخل کی جاچکی ہے۔ جسٹس فاروق نے ریمارک کیا کہ اگر عمران خان وقت پر عدالت نہیں آئے تو ان کی عبوری ضمانت منسوخ کردی جائے گی۔ عدالت کو مذاق بنایا جارہا ہے۔

اسلام آباد: اسلام آباد ہائی کورٹ نے چہارشنبہ کے دن پاکستان تحریک ِ انصاف(پی ٹی آئی) کے سربراہ عمران خان کو خبردار کیا کہ اگر وہ حاضر عدالت نہ ہوئے تو ان کی ضمانت منسوخ کردی جائے گی۔ عدالت‘ ریاستی اداروں کے خلاف لوگوں کو بھڑکانے کے کیس کی سماعت کررہی تھی۔

متعلقہ خبریں
تلنگانہ ہائی کورٹ نے دانم ناگیندر کو نوٹس جاری کی
عمران خان اور بشریٰ بی بی کو 4 اپریل کو عدالت میں پیش کرنے کا حکم
ویڈیو: آصف علی زرداری کی بحیثیت صدر پاکستان حلف برداری
رات کی تاریکی میں ہمارا خط ِ اعتماد چُرالیا گیا : پاکستان تحریک انصاف کا شکوہ
خط اعتماد چرانے والوں پر غداری کا مقدمہ چلایا جائے: عمران خان

 اس نے کمرہ ئ عدالت (کورٹ روم) میں عمران خان کی غیرموجودگی پر ناراضگی کا اظہار کیا۔ دی ایکسپریس ٹریبون نے یہ اطلاع دی۔ اسلام آباد ہائی کورٹ کے چیف جسٹس عامر فاروق نے پوچھا کہ درخواست گزار کہاں ہے۔

اس پر عمران خان کے وکیل نعیم حیدر پنجوتھانے کہا کہ وہ آج عدالت آنے سے قاصر ہیں۔ حاضری سے استثنیٰ کی درخواست داخل کی جاچکی ہے۔ جسٹس فاروق نے ریمارک کیا کہ اگر عمران خان وقت پر عدالت نہیں آئے تو ان کی عبوری ضمانت منسوخ کردی جائے گی۔ عدالت کو مذاق بنایا جارہا ہے۔