اے پی: باراتیوں کو لے جانے والا ٹریکٹر الٹ جانے سے 6 افراد ہلاک

حیدرآباد: باراتیوں کو لے جانے والے ٹریکٹر کے الٹ جانے کے نتیجہ میں 6باراتی بشمول دو بچے ہلاک اوردیگر کئی زخمی ہوگئے۔

یہ حادثہ کل شب اے پی کے ضلع چتور کے واولیلا توٹہ کے قریب اُس وقت پیش آیا جب ٹریکٹر کے ڈرائیور نے اس کا توازن کھودیا اور یہ ٹریکٹر الٹ گیا۔

حادثہ اتنا شدید تھا کہ ٹریکٹر ڈرائیور، دو بچے اور تین خواتین موقع پر ہی ہلاک ہوگئیں۔

ذرائع کے مطابق تیز رفتاری، حادثہ کی وجہ سمجھی جارہی ہے۔

اطلاع ملتے ہی پولیس وہاں پہنچی جس نے لاشوں کو پوسٹ مارٹم اور زخمیوں کو علاج کے لئے اسپتال منتقل کردیا۔پولیس نے اس سلسلہ میں ایک معاملہ درج کرکے جانچ شروع کردی۔