جرائم و حادثات

حیدرآباد میں خودکشی کے واقعات، 6 افراد ہلاک

پرائیویٹ ٹیچر کے طور پر کام کرنے والی جیوتی کے بارے میں کہا جاتا ہے کہ اس نے اپنی جان لینے سے پہلے اپنے بچوں کی زندگی کا خاتمہ کر دیا۔ پولیس اس سلسلے میں کیس درج کرکے تحقیقات کر رہی ہے۔

حیدرآباد: تلنگانہ کے دارالحکومت حیدرآباد میں جمعہ کو دو الگ الگ واقعات میں چھ افراد نے مبینہ طور پر خودکشی کرلی۔ پہلے واقعہ میں شہر کے اندراولڈ بوون پلی کے بھوانی نگر علاقے میں ایک ہی کنبہ کے تین افراد نے نیند کی گولیاں کھا کر اپنی زندگی کا خاتمہ کر لیا۔ مرنے والوں کی شناخت شریکانت (42) اور ان کی بیٹیوں شراونتی (8) اور شرویہ (7) کے طور پر کی گئی ہے۔

متعلقہ خبریں
لون ایپ کے ایجنٹس کی ہراسانی، ایک شخص نے خودکشی کرلی
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
بی آر ایس قائد ملا ریڈی کی کانگریس میں شمولیت کا امکان
ماہ صیام کا آغاز، مرکزی رویت ہلال کمیٹی کا اعلان
حیدر آباد کو بھاگیہ نگر بنانے بی جے پی امیدوار مادھوی لتا کی مہم

لاشوں کو پوسٹ مارٹم کے لیے گاندھی اسپتال لے جایا گیا ہے۔ ابتدائی تحقیقات سے پتہ چلتا ہے کہ گھریلو مسائل نے شریکانت کے کنبہ کو انتہائی قدم اٹھانے پر مجبور کیا ہو گا۔ اس سلسلے میں ایک کیس درج کر لیا گیا ہے اور باریکی سے تفتیش کی جا رہی ہے۔

دوسرے واقعہ میں بورابندہ کے راج نگر علاقہ میں ماں نے اپنے دو بچوں کو زہر پلا کر پھانسی لگا کر خودکشی کر لی۔ مرنے والوں کی شناخت جیوتی (31) اور اس کے بچوں ارجن (4) اور آدتیہ (2) کے طور پر کی گئی ہے۔

پرائیویٹ ٹیچر کے طور پر کام کرنے والی جیوتی کے بارے میں کہا جاتا ہے کہ اس نے اپنی جان لینے سے پہلے اپنے بچوں کی زندگی کا خاتمہ کر دیا۔ پولیس اس سلسلے میں کیس درج کرکے تحقیقات کر رہی ہے۔