حیدرآباد

صد فیصد جائیداد ٹیکس کی وصولی کو یقینی بنانے عہدیداروں کو ہدایت

رونالڈ روز نے کہاکہ جی ایچ ایم سی کے حدود میں مجموعی طورپر جائیدادوں کی تعداد 18.9 لاکھ کے منجملہ 20 دسمبر 2023 تک صرف 1208.35 جائیدادوں کا ٹیکس وصول کیا گیا ہے۔

حیدرآباد: کمشنر جی ایچ ایم سی رونالڈ روز نے ریونیو عہدیداروں کو ہدایت دی ہے کہ وہ متعلقہ سرکلس میں 100 فیصد جائیداد ٹیکس کی وصولی کو یقینی بنائیں۔ وہ آج ریسڈنشل کمشنر ریونیو، زونل کمشنر، ڈپٹی کمشنر اور اسسٹنٹ کمشنرس کے جائزہ اجلاس سے خطاب کررہے تھے۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
41 برسوں کے بعد کسی وزیراعظم کا دورہ عادل آباد
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
بی آر ایس قائد ملا ریڈی کی کانگریس میں شمولیت کا امکان
حیدر آباد کو بھاگیہ نگر بنانے بی جے پی امیدوار مادھوی لتا کی مہم

 انہوں نے کہاکہ جی ایچ ایم سی کے حدود میں مجموعی طورپر جائیدادوں کی تعداد 18.9 لاکھ کے منجملہ 20 دسمبر 2023 تک صرف 1208.35 جائیدادوں کا ٹیکس وصول کیا گیا ہے۔

 چونکہ بہت جلد پارلیمانی ا نتخابات منعقد ہونے والے ہیں اس بات کو ذہن نشین رکھتے ہوئے ٹیکس بقایاجات  آئندہ سال فروری تک وصولی کیلئے ایکشن پلان تیار کریں اور عدالتوں میں ذمہ داران مقدمات کی یکسوئی کیلئے ضروری اقدامات اور ان سے ٹیکس وصول کریں۔

اس کے علاوہ سرکاری دفاتر، خانگی کمرشیل کامپلکس، اداروں اور ہاسٹلس سے بھی ٹیکس بقایاجات کی وصولی کو یقینی بنایاجائے۔ کمشنر نے زونل اور ڈپٹی کمشنرس کو بھی ہدایت دی کہ وہ روزانہ اس سلسلہ میں بل کلکٹرس اور ٹیکس انسپکٹرس کا اجلاس طلب کریں اور ان کی حاضری روزانہ صبح داخل کریں۔

 مالکان جائیداد کو گوگل پے، چیکس سے ٹیکس ادا کرنے کی ترغیب دیں اور 10 لاکھ سے زائد ٹیکس دہندگان پر خصوصی توجہ مرکوز کریں۔ آن لائن ٹیکس ادا کرنے والوں کا روزانہ جائزہ لیں۔

بالخصوص زونل کمشنرس 100 ٹیکس دہندگان جو بقایا ہیں ان کا بھی روزانہ جائزہ لیں۔ کمشنر نے اولڈ PTIN بزنس جو ٹیکس ادا شدنی ہے سے متعلق بھی ضروری اقدام کریں۔