بی آر ایس اقتدار پر آئے گی، ایچ کے ایس کے سروے میں انکشاف

حیدرآباد: تلنگانہ اسمبلی انتخابات کے بعد مختلف سروے ایجنسیز کی جانب سے اگزٹ پولس کی اجرائی کا سلسلہ جاری ہے۔

چند ایجنسیوں نے کانگریس کوکامیاب ہوتادکھایا ہے توچند نے بی آرایس کی کامیابی کی پیش قیاسی کی ہے۔

آج تازہ ترین طورپرایچ کے ایس پرائیویٹ لمیٹیڈسیفولوجی اینڈ انالیسس کنسلٹنگ کی جانب سے اگزٹ پولس جاری کیاگیا۔

ایچ کے ایس کے مطابق بی آر ایس مسلسل تیسری بار حکومت بناتے ہوئے ہیٹرک درج کرئے گی۔بی آرایس کو53-58‘ کانگریس کو48-52‘ بی جے پی کو4-8‘ مجلس اتحاد المسلمین کو5-7 اور دیگر کوصفرتا دوحلقوں پر کامیابی حاصل ہوگی۔

یہاں اس بات کا تذکرہ ضروری ہے کہ زیادہ ترایجنسیز نے کانگریس کی کامیابی کی پیش قیاسی کی ہے جس سے کانگریس حلقوں میں زبردست جوش وخروش دیکھا جارہاہے۔