تلنگانہ جنوبی ہند میں دھان کا مرکز بن گیا:ہریش راؤ

حیدرآباد: تلنگانہ کے وزیر صحت ہریش راو نے کہا ہے کہ وزیراعلی کے چندرشیکھرراو کی قیادت میں تلنگانہ جنوبی ہند میں دھان کا مرکز بن گیا ہے۔انہوں نے سدی پیٹ گرامین منڈل کے گاوں پلوروکا دورہ کیا۔اس موقع پر وزیر موصوف نے بعض ترقیاتی کاموں کا افتتاح کیا۔

انہوں نے کہا کہ پلورو گاؤں نے تمام شعبوں میں کئی طریقوں سے ترقی کی ہے۔ پچھلی کانگریس حکومت کے دوران عوام کو کئی مشکلات کا سامنا تھا تاہم تلنگانہ کو ریاست کا درجہ دیئے جانے کے بعد وزیراعلی چندرشیکھرراو کی قیادت میں ریاست میں کافی ترقی ہوئی ہے اور تلنگانہ جنوبی ہندوستان میں دھان کا مرکز بن گیا ہے۔