دہلی

کانگریس نے کرناٹک کیلئے 3 مبصرین کی تقرری کی

وینوگوپال نے ٹویٹ کیاکہ "معزز کانگریس صدر نے مہاراشٹر کے سابق وزیر اعلی سشیل کمار شنڈے، کانگریس جنرل سکریٹری جتیندر سنگھ اور پارٹی کے سابق جنرل سکریٹری دیپک بابریہ کو کرناٹک لیجسلیچر پارٹی لیڈر کے انتخاب کے لیے بطور مبصر مقرر کیا ہے۔"

نئی دہلی: کانگریس نے کرناٹک اسمبلی انتخابات میں شاندار کامیابی کے بعد قانون ساز پارٹی کا لیڈر منتخب کرنے کے فوراً بعد تین مرکزی مبصرین کی تقرری اور انہیں بنگلور بھیجنے کا فیصلہ کیا ہے۔

متعلقہ خبریں
سی پی آئی اور کانگریس میں تنازعہ جاری
سکندرآباد کنٹونمنٹ: ضمنی الیکشن کی تاریخ کا اعلان، امیدوار کا انتخاب تمام پارٹیوں کے لئے مسئلہ
راہول گاندھی، بی جے پی کو کڑی ٹکر دینے کسی اور حلقہ کا رخ کریں: ڈی راجہ
وشاکھاپٹنم میں کانگریس کا جلسہ، ریونت ریڈی کی شرکت
500 روپے میں گیس سلنڈر کی فراہمی، 80کروڑ فنڈ جاری

اتوار کو یہ جانکاری دیتے ہوئے کانگریس کے جنرل سکریٹری کے سی وینوگوپال نے کہا کہ پارٹی نے مبصر کے طور پر مقرر کئے گئے تین لیڈروں سے کہا ہے کہ وہ فوری طور پر کرناٹک جاکر رپورٹ دیں کہ کرناٹک میں کانگریس لیجسلیچر پارٹی کا لیڈر کون ہوگا۔

وینوگوپال نے ٹویٹ کیاکہ "معزز کانگریس صدر نے مہاراشٹر کے سابق وزیر اعلی سشیل کمار شنڈے، کانگریس جنرل سکریٹری جتیندر سنگھ اور پارٹی کے سابق جنرل سکریٹری دیپک بابریہ کو کرناٹک لیجسلیچر پارٹی لیڈر کے انتخاب کے لیے بطور مبصر مقرر کیا ہے۔”

آج شام کرناٹک میں نئے مقرر کردہ قانون سازوں کی میٹنگ ہونے والی ہے جس میں قانون ساز پارٹی کے نئے لیڈر کا انتخاب کیا جائے گا۔ اجلاس میں پارٹی کے تینوں مرکزی مبصرین شریک ہوں گے۔

واضح رہے کہ ہفتہ کو ہوئی ووٹوں کی گنتی میں کانگریس کو کرناٹک اسمبلی انتخابات میں زبردست کامیابی ملی ہے اور پارٹی کے ریاستی صدر ڈی کے شیوکمار اور سابق وزیر اعلیٰ سدارامیا وزیر اعلیٰ کے عہدے کی دوڑ میں ہیں۔ دونوں لیڈروں کے حامی اپنے لیڈر کو وزیر اعلیٰ بنانے کے لیے لابنگ کر رہے ہیں۔