ممتا بنرجی راج بھون میں آکر بات چیت کریں: گورنر جگدیپ دھنکر

دھنکر نے ٹویٹ کیا کہ انہوں نے یہ خط ممتا بنرجی کو لکھا ہے ۔خط میں گورنر نے دعویٰ کیا کہ کئی جائز سوالات کے جوابات ملنے کو کافی وقت ہو چکے ہیں ۔ انہوں نے یہ بھی لکھا کہ کچھ مسائل پر فوری طور پر بات کرنے کی ضرورت ہے۔

کلکتہ: مغربی بنگال کے گورنر جگدیپ دھنکرنے چیف منسٹر ممتا بنرجی کو راج بھون آنے کی دعوت دیتے ہوئے کہا ہے کہ آئینی اور ریاست کے معاملات پر ان سے وہ بات کرناچاہتے ہیں ۔ گورنرنے چیف منسٹر ممتا بنرجی کو لکھے خط کو ٹوئیٹر پر پوسٹ بھی کیا ہے۔ خیال رہے کہ چیف منسٹر ممتا بنرجی نے گورنر کو ٹوئٹر پر بلاک بھی کردیا ہے۔ اس کے بعد سے ہی گورنر ہائوس اور ممتا حکومت کے درمیان اختلافات میں شدت آگئی ہے۔

ترنمول کانگریس نے گورنر کے خلاف صدر جمہوریہ اور وزیرا عظم مودی کو شکایت کرنے کے ساتھ ساتھ پارلیمنٹ میں بھی ان کو ہٹانے کا مطالبہ کرچکی ہے۔ گورنروں کے کردار پر اپوزیشن جماعتوں کو متحد کرنے کی بھی ترنمول کانگریس کوشش کررہی ہے۔ اس تناظر میں، گورنر دھنکر نے چیف منسٹر کو راج بھون میں مدعو کیا تاکہ آئینی مسائل پر رکی ہوئی بحث کو دوبارہ شروع کیا جاسکے۔

دھنکر نے ٹویٹ کیا کہ انہوں نے یہ خط ممتا بنرجی کو لکھا ہے ۔خط میں گورنر نے دعویٰ کیا کہ کئی جائز سوالات کے جوابات ملنے کو کافی وقت ہو چکے ہیں ۔ انہوں نے یہ بھی لکھا کہ کچھ مسائل پر فوری طور پر بات کرنے کی ضرورت ہے۔ ’’جمہوریت اور آئین کو محفوظ بنانے کی میری کوشش آپ کے موقف کی وجہ سے ناکام ہورہی ہے۔‘‘ جو آئینی تعطل کا باعث بن سکتا ہے۔”

گورنر نے خط میں لکھا کہ ’’اپنی سہولت کے مطابق اگلے ہفتے کسی بھی وقت راج بھون میں آجائیں‘‘۔ تاہم ترنمول نے چیف منسٹر کے نام گورنر کے خط کو سیاسی حربہ قرار دیا ہے ۔ ترنمول کانگریس کے ترجمان اور ریاستی سکریٹری کنال گھوش نے دعویٰ کیا کہ گورنر کو ٹویٹر پر ایک خط لکھنا پڑا جس میں خیر سگالی کی کمی ہے۔ ووہ جو چاہیں ٹویٹر پر پوسٹ کرسکتے ہیں!‘‘ تاہم ریاستی بی جے پی صدر سوکانت مجمدار نے اس پرتبصرہ کرتےہوئے کہا کہ چیف منسٹر کو گورنر کی دعوت کا جواب دینا چاہیے۔

ذریعہ
یواین آئی

تبصرہ کریں

Back to top button