آندھراپردیش

آندھراپردیش کے ایلورو میں ریلوے ٹیکنیکل ویگن میں بڑے پیمانہ پر آتشزدگی

ریلوے اسٹاف اورفائربریگیڈ کے عملہ نے فوری طورپر چوکسی کامظاہرہ کیا جس کے نتیجہ میں اموات کو ہونے سے روکا جاسکا۔ذرائع کے مطابق اس ویگن کا استعمال ٹریک کی مرمت کے لئے کیا جاتا تھا۔

حیدرآباد: آندھراپردیش کے ایلورو میں ریلوے ٹکنیکل ویگن میں بڑے پیمانہ پر آگ لگ گئی جس سے ٹرین کو شدید نقصان پہنچا۔یہ واقعہ ایلورو ریلوے اسٹیشن پر پیش آیا۔

متعلقہ خبریں
سپریم کورٹ میں حکومت اے پی کے خلاف عرضی خارج
الیکشن سے قبل گاڑیوں کی تلاشی مہم: 5.12 کروڑ ضبط، 6 افرادگرفتار
اے پی میں ذات پرمبنی جامع مردم شماری کا آغاز
وزیر اعظم کے ہاتھوں اے پی میں این اے سی آئی این کے کیمپس کا افتتاح
اے پی میں کس سے اتحاد کیا جائے، کس سے نہیں، بی جے پی مخمصہ میں گرفتار

ریلوے اسٹاف اورفائربریگیڈ کے عملہ نے فوری طورپر چوکسی کامظاہرہ کیا جس کے نتیجہ میں اموات کو ہونے سے روکا جاسکا۔ذرائع کے مطابق اس ویگن کا استعمال ٹریک کی مرمت کے لئے کیا جاتا تھا۔اس میں پکوان کی اشیا اور تیل کے ڈبے تھے۔

یہ آگ اُس وقت لگی جب کوچ، پلیٹ فارم پر ٹہرا ہوا تھا۔اس میں دھواں دیکھ کر چوکس اسٹاف نے اسٹیشن کے عہدیداروں کو فوری طورپر مطلع کیا جس کے بعد اس ویگن کو پلیٹ فارم سے ہٹادیاگیا اور فائربریگیڈ کے عملہ نے آگ کو بجھانے کا کام کیا۔

 تاہم اس ویگن میں تیل ہونے کی وجہ سے آگ تیزی کے ساتھ پھیلتی چلی گئی جس سے کوچ کا تقریبا 50فیصد حصہ جل کر خاکستر ہوگیا۔ریلوے کے عہدیداروں نے اس کی جانچ شروع کردی تاکہ آگ لگنے کی وجہ معلوم کی جاسکے۔