اسرائیلی پارلیمنٹ کے سامنے ہزاروں افراد کا مارچ

یروشلم:اسرائیلی پارلیمنٹ ”نیسیٹ“ کے سامنے پیر کے دن ہزاروں اسرائیلیوں نے مظاہرہ کیا۔ وہ پرچم لہرارہے تھے‘ ہارن بجارہے تھے اور جمہوریت کے حق میں نعرے بازی کررہے تھے۔

وزیراعظم بن یامین نتن یاہو کی حکومت نے ملک کے نظام ِ عدلیہ میں ردوبدل کے متنازعہ منصوبہ کا باقاعدہ آغاز کردیا۔

کئی سال بعد پارلیمنٹ کی عمارت کے سامنے ایسا بڑا مظاہرہ ہوا ہے۔ نتن یاہو اور ان کے حامیوں کا کہنا ہے کہ مجوزہ تبدیلیاں ضروری ہیں تاکہ عدلیہ کو لگام دی جائے جو بہت زیادہ طاقتور ہوگئی ہے۔