رمضان المبارک کے اختتام اور عید الفطر کی تاریخ کا اعلان؟

قاہرہ: مصر کے دارالإفتاء نےاتوار کو سنہ 1445 ہجری کے شوال کا چاند نظر آنے کی متوقع تاریخ کا اعلان کردیا ہے تاکہ عیدالفطر اور رمضان المبارک کے اختتام کی تاریخ کا تعین کیا جا سکے، جو گذشتہ پیر سے شروع ہوا تھا۔

شوال 1445 کا چاند دیکھنے کی تاریخ کے بارے میں دار الافتاء نے کہا کہ 29 رمضان المبارک بروز پیر 8 اپریل 2024 کو چاند نظر آنے کی قانونی تصدیق کی جائے گی۔

توقع ہے کہ عیدالفطر (یکم شوال) 9 اپریل 2024 بروز منگل کو ہو گی۔ اگر 8 اپریل کو رویت کی تصدیق نہ ہوئی تو رمضان کا مہینہ 30 دن کا ہو جائے گا اور عید الفطر 10 اپریل بروز چہارشنبہ ہو گی۔

تاہم، فلکیاتی حسابات کے مطابق اس سال رمضان کا مہینہ 30 دن پر محیط ہوگا، اس لیے ماہ شوال کا آغاز فلکیاتی حساب کے مطابق چہارشنبہ 10 اپریل کو ہوگا۔

قابل ذکر ہے کہ شرعی لحاظ سے ہر ہجری مہینے کا آغاز چاند نظر آنے پر کیا جاتا ہے۔ زیادہ تر عرب اور اسلامی ممالک فلکیاتی اداروں کے ذریعہ ہلال کا چاند دیکھنے پر انحصار کرتے ہیں۔