کینیڈا کی مسجد میں نمازیوں پر کلہاڑی اور اسپرے سے حملہ

کینیڈا کی مسجد نمازیوں پر کلہاڑی اور اسپرے سے حملہ

اوٹاوا(کینڈا) کینیڈا کے شہر مسیساگا میں واقع مسجد میں ایک شخص نے کلہاڑی کے ذریعہ حملے کر کے متعدد افراد کو زخمی کر دیا۔غیر ملکی خبر رساں ایجنسی کے مطابق فجر کی نماز کے وقت مذکورہ شخص کلہاڑی سے حملہ آور ہوا جس کے میں نتیجے میں متعدد افراد زخمی ہو گئے۔

متاثرہ مسجد دارالتوحید اسلامک سینٹر کی انتظامیہ کی جانب سے جاری کیے گئے بیان کے مطابق نمازیوں نے 24 سالہ حملہ آور کو قابو میں کر کے پولیس کے حوالے کر دیا ہے۔

دوسری جانب کینیڈا کے وزیرِ اعظم جسٹن ٹروڈو کی جانب سے مسجد پر کلہاڑی سے حملے کی شدید مذمت کی گئی ہے۔سماجی رابطے کی ویب سائٹ ٹوئٹر پر جاری کیے گئے بیان میں کینیڈا کے وزیرِ اعظم جسٹن ٹروڈو کا کہنا ہے کہ ایسے پْرتشدد واقعات کی کینیڈا میں کوئی گنجائش نہیں ہے۔انہوں نے یہ بھی کہا ہے کہ میں ان لوگوں کے حوصلے پر بھی داد دینا چاہتا ہوں جو آج صبح وہاں موجود تھے۔ پولیس حملہ آور سے پوچھ گچھ کررہی ہے۔

ذریعہ
یواین آئی،ایجنسیز

تبصرہ کریں

Back to top button