کے سی آر نے فارم ہاؤس میں بی آر ایس قائدین سے ملاقات کی

حیدرآباد: تلنگانہ میں کانگریس کے ہاتھوں اقتدارکھونے کے ایک دن بعدبی آرایس سربراہ و کارگزار چیف منسٹر کے چندرشیکھرراؤنے پیر کے روز ایراوپلی کے فام ہاوز میں پارٹی کے نومنتخب ارکان اسمبلی‘ سابق وزرا اور سینئرقائدین سے ملاقات کی۔

اسمبلی الیکشن کے نتائج کے بعد کے چندرشیکھرراؤکی پہلی تصاویر اور ویڈیوز سوشل میڈیا پر بڑے پیمانے پر وائرل ہوئیں جن میں بی آرایس سربراہ کے سی آر کو پارٹی کے نومنتخب ایم ایل ایز اور سابق وزراء سے بات چیت کرتے ہوئے دیکھاگیا۔

سابق اسپیکر اسمبلی پوچارم سرینواس ریڈی‘سابق وزرا ہریش راؤ‘محمودعلی‘سرینواس گوڑ‘ ٹی سرنیواس یادو‘ملاریڈی‘ پی سبیتااندرا ریڈی اور دیگر سابق چیف منسٹرسے ملاقات کرنے والوں میں شامل ہیں۔

119 رکنی اسمبلی میں کانگریس کے 64 امیدواروں کی کامیابی کے بعد کے چندرشیکھرراؤنے اتوار کی شام سرکاری رہائش گاہ پرگتی بھون کوالوداع کہتے ہوئے ایراویلی میں واقع اپنے فام ہاوز کے لئے روانہ ہوگئے تھے۔

ریاست میں تقریباً 10 برس تک حکومت کرنے کے بعد کے سی آر نے پارٹی ایم ایل ایز اور قائدین کوعوام کا فیصلہ قبول کرنے کا مشورہ دیا۔