دہلی

کانگریس کا 139 واں یوم تاسیس

کانگریس کے 139 ویں یوم تاسیس کے موقع پر پارٹی کے سینئر قائدین نے آج کانگریس ہیڈکوارٹرس پر پرچم لہرایا اور کارکنوں کو مبارکباد دیتے ہوئے کہا کہ یہ دن کانگریس کی ملک کے تئیں وفاداری اور لگن کی علامت ہے۔

نئی دہلی: کانگریس کے 139 ویں یوم تاسیس کے موقع پر پارٹی کے سینئر قائدین نے آج کانگریس ہیڈکوارٹرس پر پرچم لہرایا اور کارکنوں کو مبارکباد دیتے ہوئے کہا کہ یہ دن کانگریس کی ملک کے تئیں وفاداری اور لگن کی علامت ہے۔

متعلقہ خبریں
کانگریس ایک ملک، ایک الیکشن کی شدید مخالف
الیکٹورل بانڈس اسکیم، جبری وصولی ریاکٹ: راہول گاندھی (ویڈیو)
بی جے پی حکومت اپنی ناکامیاں چھپانے جذباتی مسائل اٹھارہی ہے: ملیکارجن کھرگے
ساکشی ملک کے گھر جانا پرینکا کا ذاتی فیصلہ: برج بھوشن
3 فوجداری قوانین، عوام کے لئے پریشان کن: کھرگے

کانگریس صدر ملیکارجن کھرگے‘ سابق صدر راہول گاندھی‘ جنرل سکریٹری پرینکا گاندھی وڈرا اور دیگر رہنماؤں نے اس موقع کو ملک کے تئیں کارکنوں کے لگن کی علامت قرار دیتے ہوئے کہا کہ یہ سچائی‘ عدم تشدد‘ باہمی احترام اور بھائی چارہ کی روایت ہی کانگریس کا دوسرا نام ہے۔

کھرگے نے کہاکہ کانگریس کا مقصد عوامی بہبود اور ملک کے لوگوں کی ترقی ہے۔ ہم پارلیمانی جمہوریت پر مبنی ایسے ہندوستان میں یقین رکھتے ہیں جس میں برابری ہو‘ بغیر کسی امتیاز کے سب کے لیے یکساں مواقع ہوں اور دستور میں درج سیاسی‘ معاشی اور سماجی حقوق کی پاسداری ہو۔

ہمیں فخر ہے کہ پچھلے 138 سال سے ہم ایسے ہندوستان کی تعمیر کے لیے پوری ایمانداری کے ساتھ جدوجہد کر رہے ہیں۔ یوم تاسیس پر ہر ہندوستانی کو میری دلی مبارکباد۔انہوں نے کارکنوں سے کہا کہ یوم تاسیس کے موقع پر یہ ہمارا فرض ہے کہ ہم بڑی تعداد میں جمع ہوں اور ملک بھر میں یہ پیام دیں کہ کانگریس پارٹی کبھی بھی اپنے نظریہ سے نہیں ہٹے گی اور اپنی سوچ کے ساتھ آگے بڑھے گی۔

ہم ناگپور سے پیام دینا چاہتے ہیں کہ ہم 2024 کے لوک سبھا انتخابات کو ذہن میں رکھتے ہوئے کام کر رہے ہیں۔ آگے آئیں‘ ایک خوشحال ہندوستان کی تعمیر کے لیے اپنا فرض ادا کریں۔ ہاتھ سے ہاتھ جوڑ کر کانگریس کو مضبوط کریں۔ کانگریس جتنی مضبوط ہوگی‘ پارٹی حقوق کے لیے اتنے ہی بھرپور طریقہ سے لڑے گی۔راہول گاندھی نے کہاکہ سچائی اور عدم تشدد کانگریس کی بنیاد ہے۔

محبت‘بھائی چارہ‘احترام اور مساوات اس کے ستون ہیں اور حب الوطنی اس کی چھت ہے۔ مجھے فخر ہے کہ میں ایسی تنظیم کا حصہ ہوں‘ مجھے فخر ہے کہ میں اس تنظیم کا حصہ ہوں۔

کانگریس کے یوم تاسیس پر تمام رہنماؤں‘ عہدیداروں‘ حامیوں اور میرے پیارے ببر شیر اور شیرنی کارکنوں کو دلی مبارکباد۔پرینکا گاندھی نے کہا کہ تحریک آزادی کے دوران مہاتما گاندھی نے انڈین نیشنل کانگریس کی سرگرمیوں کو چلانے کے لیے ”تلک سوراج فنڈ“شروع کیا تھا۔

اس کا مقصد تحریک عدم تعاون کے لیے پیسے جمع کرنا تھا تاکہ ”سوراج“ قائم ہو سکے۔ آج تقریباً سو سال بعد کانگریس نے ”ملک کے لئے عطیہ“ (ڈونیٹ فار دی نیشن)مہم شروع کی ہے تاکہ جمہوریت کو بچایا جا سکے‘ چند ارب پتیوں کے لیے کام کرنے والی آمرانہ حکومت کے خلاف ایک مضبوط اپوزیشن بنائی جا سکے اور دستورکو بچایا جا سکے۔