حکومت ضد چھوڑ کر کسانوں کے مطالبات تسلیم کرے : کجریوال

انہوں نے کہا کہ اگر مرکزی حکومت اپنا اصرار ترک کر دے اور کسانوں کے مطالبات مان لے تو ہمارے کسان خاندانوں کو اس طرح سڑکوں پر بیٹھنے کی ضرورت نہیں پڑے گی۔

نئی دہلی: دہلی چیف منسٹر اروند کجریوال نے جمعرات کو کہا کہ مرکزی حکومت کو اپنی ضد چھوڑ کر کسانوں کے مطالبات تسلیم کرنے چاہیں۔

کجریوال نے ہریانہ کے بہادر گڑھ میں احتجاجی خواتین کی موت پر دکھ کا اظہار کیا۔انہوں نے کہا کہ حادثہ انتہائی افسوسناک ہے۔ میں رب سے مرحوم کی روح کے سکون کی دعا کرتا ہوں۔

انہوں نے کہا کہ اگر مرکزی حکومت اپنا اصرار ترک کر دے اور کسانوں کے مطالبات مان لے تو ہمارے کسان خاندانوں کو اس طرح سڑکوں پر بیٹھنے کی ضرورت نہیں پڑے گی۔

ایسے المناک حادثات کبھی نہیں ہوں گے۔قابل ذکر ہے کہ بہادر گڑھ میں صبح ایک تیز رفتار ٹرک نے خواتین کسان مظاہرین کو کچل دیا۔ اس حادثے میں تین بزرگ خواتین کی موت ہو گئی اور تین کی حالت اب بھی نازک بتائی جاتی ہے۔

یہ تینوں خواتین پنجاب کے ضلع مانسا کے گاؤں دیالو والا کی رہائشی ہیں۔غور طلب ہے کہ مرکزی حکومت کے 3 زرعی قوانین کے خلاف دہلی کی سرحد پر کسانوں کا احتجاج تقریباً 11 ماہ سے جاری ہے۔ تینوں خواتین بھی اس تحریک سے وابستہ تھیں۔

ذریعہ
یو این آئی

تبصرہ کریں

Back to top button