پراگ اگروال ٹویٹر کے نئے سی ای او

جیک ڈورسی نے ایک بیان میں کہا، ’میں نے ٹویٹر چھوڑنے کا فیصلہ کیا ہے کیونکہ مجھے یقین ہے کہ کمپنی اپنے بانیوں سے آگے بڑھنے کے لیے تیار ہے۔

واشنگٹن: ٹویٹر کے چیف ٹیکنالوجی آفیسر (سی ٹی او) پراگ اگروال کمپنی کے نئے چیف ایگزیکٹو آفیسر (سی ای او) ہوں گے۔

ٹویٹر نے پیر کو جاری کردہ ایک بیان میں یہ اعلان کیا۔ اگروال موجودہ سی ای او جیک ڈورسی کی جگہ لیں گے۔

ٹویٹر نے اعلان کیا کہ جیک ڈورسی نے چیف ایگزیکٹیو آفیسر کے عہدے سے مستعفی ہونے کا فیصلہ کیا ہے۔بورڈ آف ڈائریکٹر نے متفقہ طور پر پراگ اگروال کو فوری اثر سے سی ای او اور بورڈ کا ممبر مقرر کیا ہے۔ جیک ڈورسی 2022 کے اسٹاک ہولڈرز کے اجلاس میں اپنی مدت ختم ہونے تک بورڈ کے ممبر رہیں گے۔

بیان میں مزید کہا گیا ہے کہ پراگ اگروال ایک دہائی سے زیادہ عرصے سے ٹویٹر سے منسلک ہیں اور 2017 سے سی ٹی او کے طور پر اپنی ذمہ داریاں نبھا رہے ہیں۔

دریں اثنا، جیک ڈورسی نے ایک بیان میں کہا، ’میں نے ٹویٹر چھوڑنے کا فیصلہ کیا ہے کیونکہ مجھے یقین ہے کہ کمپنی اپنے بانیوں سے آگے بڑھنے کے لیے تیار ہے۔ ٹویٹر کے سی ای او کے طور پر، مجھے پراگ پر کامل بھروسہ ہے۔ پچھلے 10 سالوں میں ان کا کام تبدیلی کا باعث رہا ہے۔ میں ان کا تہہ دل سے مشکور ہوں۔ یہ ان کی قیادت کرنے کا وقت ہے‘۔

ذریعہ
یو این آئی

تبصرہ کریں

Back to top button

Adblocker Detected

Please turn off your Adblocker to continue using our service.