کرناٹک

کرناٹک کی سرکاری بس پر ساورکر کی تصویر پر تنازعہ

کارپوریشن کے منیجنگ ڈائرکٹر بھارت سیلوان نے کہا کہ ہم پتا لگائیں گے کہ کن حالات میں یہ تصویر بس پر لگائی گئی اور مناسب اقدامات کریں گے۔

بنگلورو: بیلگاوی ضلع کے چکوڈی میں ایک سرکاری بس پر ہندوتوا کے نظریہ ساز وی ڈی ساورکر کی تصویر کی موجودگی پر تنازعہ پیدا ہوگیا۔ محکمہ ٹرانسپورٹ کے مطابق غالباً یہ تصویر ٹرانسپورٹ عہدیداروں نے یوم آزادی تقاریب کے حصے کے طور پر لگائی ہوگی۔

متعلقہ خبریں
ہنومان کے جھنڈے کے بعد کرناٹک میں ٹیپو جھنڈے پر نیا تنازعہ
کرناٹک قانون ساز کونسل میں متنازعہ مندر ٹیکس بل کو شکست
بین مذہبی جوڑے کو مارپیٹ،7 افراد گرفتار
6سال سے کوما میں موجود لڑکے کی موت، والدین کا ڈاکٹر کے خلاف کارروائی کا مطالبہ
محمد رضوان کو آؤٹ دینے کے متنازعہ فیصلے پر ہنگامہ

 ریاست کے شمال مغربی علاقہ میں بسیں چلانے والا نارتھ ویسٹرن کرناٹک روڈ ٹرانسپورٹ کارپورشن اس معاملے کی جانچ کررہا ہے۔کارپوریشن کے منیجنگ ڈائرکٹر بھارت سیلوان نے کہا کہ ہم پتا لگائیں گے کہ کن حالات میں یہ تصویر بس پر لگائی گئی اور مناسب اقدامات کریں گے۔

 ہمیں اس تعلق سے ایک یا دو دن میں معلوم ہوگا۔ ایس ڈی پی آئی کے ریاستی جنرل سکریٹری افسر کوڈلی پیٹ نے اپنے ٹوئٹ میں کہا کہ سرکاری بسوں پر ویر ساورکر جیسے انگریزوں کے ہمدردوں کی تصاویر دراصل ہندوستان کی آزادی کے لیے لڑنے والے حقیقی مجاہدین کی توہین ہے۔“