سوشیل میڈیامشرق وسطیٰ

مشہور تُرک شیف ترکیہ اور شام میں آئے تباہ کن زلزلہ کا احوال بتاتے ہوئے روپڑے

معروف ترک شیف براق اوزدامیر ترکیہ اور شام میں تباہ کن زلزلےکی صورتحال بتاتے ہوئے پھوٹ پھوٹ کر رو پڑے۔ دبئی میں مقیم ترکیہ کے شیف براق اوزدامیر چہرے پر مسکراہٹ سجائے مزیدار کھانے بنانے کے لیے مشہور ہیں۔

دمشق: معروف ترک شیف براق اوزدامیر ترکیہ اور شام میں تباہ کن زلزلےکی صورتحال بتاتے ہوئے پھوٹ پھوٹ کر رو پڑے۔ دبئی میں مقیم ترکیہ کے شیف براق اوزدامیر چہرے پر مسکراہٹ سجائے مزیدار کھانے بنانے کے لیے مشہور ہیں۔

متعلقہ خبریں
غزہ نسل کشی پر جشن منانے والا اسرائیلی فٹبالر گرفتار
عرب وزرائے خارجہ کا شام کو عرب لیگ میں دوبارہ شامل کرنے پراتفاق
جموں کے دوڈا میں جوشی مٹھ جیسی صورتحال
استنبول میں ایک اور زلزلہ کا امکان: ماہرین
ترکیہ اور شام زلزلے میں اموات کی تعداد 41 ہزار ہوگئی

 انہوں نے فیس بُک پر ویڈیو پوسٹ کی جس میں انہیں ترک زبان میں زلزلے کی صورتحال بتاتے ہوئے اور روتے ہوئے دیکھا جاسکتا ہے۔

ویڈیو میں انہوں نے کہا کہ ’میں اپنا دکھ بیان نہیں کر سکتا، میں اس آفت کی وجہ سے اپنے دکھ کی حد نہیں بیان کر سکتا، خدا ان لوگوں پر رحم کرے جن کو نقصان پہنچا ہے۔

 متاثرین کی مدد کے لیے ہم جو کر سکتے ہیں وہ کرنے کی کوشش کریں گے۔‘انہوں نے ایک اور ویڈیو بھی شیئر کی جس میں وہ امدادی خوراک ترکیہ کے متاثرہ علاقوں میں بھیجنے کی بات کر رہے ہیں۔

واضح رہے کہ 6 فروری کو ترکیہ اور شام میں آنے والے بدترین زلزلے سے ہوئی تباہی کے نتیجے میں اب تک 7 ہزار سے زائد افراد ہلاک اور ہزاروں زخمی ہوچکے ہیں۔

زلزلے کے بعد سلسلہ وار آفٹر شاکس نے ہزاروں عمارتوں کو ملبے کے ڈھیر میں تبدیل کردیا جس کے تلے دب جانے والوں کو نکالنے کا عمل جاری ہے، تاہم انتہائی سرد موسم امدادی کارروائیوں میں رکاوٹ بن رہا ہے۔

عالمی ادارہ صحت کا کہنا ہے کہ ترکیہ اور شام میں آنے والے تباہ کن زلزلے کے باعث متاثرہ افراد کی تعداد 2 کروڑ 30 لاکھ سے زائد ہوسکتی ہے۔