بھارت

31 اگست سے اندرون ملک فضائی کرایہ بڑھ جانے کا امکان

طیاروں میں استعمال ہونے والے ایندھن (اے ٹی ایف) کی روزانہ کھپت اور دام کا باریکی سے جائزہ لینے کے بعد یہ فیصلہ کیا گیا۔

نئی دہلی: اندرون ملک فضائی کرایوں پر لگی پابندی 31 اگست سے برخاست ہوجائے گی۔ مرکزی وزارت ِ شہری ہوابازی نے چہارشنبہ کے دن کہا کہ لگ بھگ 27 ماہ بعد یہ پابندی اٹھائی جارہی ہے۔

طیاروں میں استعمال ہونے والے ایندھن (اے ٹی ایف) کی روزانہ کھپت اور دام کا باریکی سے جائزہ لینے کے بعد یہ فیصلہ کیا گیا۔

وزیر شہری ہوابازی جیوتر آدتیہ سندھیا نے ٹویٹر پر کہا کہ ہمیں یقین ہے کہ مستقبل قریب میں ڈومیسٹک ٹریفک بڑھنے والی ہے۔ گزشتہ چند ہفتوں میں اے ٹی ایف کے دام گھٹتے آئے ہیں۔

24 فروری کو روس۔ یوکرین جنگ کی وجہ سے یہ دام کافی بڑھ گئے تھے۔ وزارت ِ شہری ہوابازی نے اندرون ملک کرایوں کی زیریں اور بالائی حد مقرر کردی تھی۔