مذہب

سنت فجر کی قضاء

یوں تو سنت کی قضا نہیں ، البتہ گنجائش ہے کہ سورج نکلنے کے بعد دو رکعت نفل ادا کرلی جائے، اور امید ہے کہ اس سے سنت فجر کا ثواب حاصل ہوگا انشاء اللہ ،

سوال:-بعض اوقات امام صاحب قعدہ میں ہوں تو میں جماعت میں مل جاتا ہوں، اس کے بعد سنت فجر ادا کرتا ہوں ، کیا سنت نماز فرض کے بعد بھی ادا کرسکتے ہیں یا طلوع آفتاب کے بعد ؟ (ثمیر الدین، کریم نگر)

جواب:- یوں تو سنت کی قضا نہیں ، البتہ گنجائش ہے کہ سورج نکلنے کے بعد دو رکعت نفل ادا کرلی جائے، اور امید ہے کہ اس سے سنت فجر کا ثواب حاصل ہوگا انشاء اللہ ،

حضرت ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا : جس نے فجر کی دو رکعتیں ادا نہیں کیں ، اسے چاہئے کہ طلوع آفتاب کے بعد انہیں پڑھ لے:

من لم یصل رکعتی الفجر فلیصلھما بعد ما تطلع الشمس (ترمذی، حدیث نمبر: ۴۲۳)

فجر کی نماز کے بعد سے تا طلوع آفتاب کسی نفل کے پڑھنے سے رسول اللہ صلی اللہ علیہ وسلم نے منع فرمایا ہے؛ اس لئے آپ طلوع آفتاب کے بعد ہی یہ دو رکعتیں پڑھا کریں ۔