مسبوق سے سہو ہوجائے

سوال:- اگر فرض نماز کی ایک یا دو رکعت چھوٹ جائے اور چھوٹی ہوئی رکعتیں مکمل کرتے وقت اس میں کچھ غلطی ہوجائے تو کیا سجدۂ سہو واجب ہوگا؟ (سجاد احمد، ملے پلی)

جواب:- جس شخص کی امام کے ساتھ ابتدائی نماز چھوٹ گئی ہو ، اسے مسبوق کہتے ہیں،

امام کے سلام پھیر نے کے بعد مسبوق جن چھوٹی ہوئی رکعتوں کو ادا کرتا ہے ، ان میں اس کی حیثیت تنہا نماز ادا کرنے والے کی ہوتی ہے؛

لہذا اگر اس درمیان میں کوئی بھول ہوجائے ،تو سجدۂ سہو واجب ہوگا ،

علامہ شرنبلالی ؒ فرماتے ہیں: والمقیم اذا سھا في باقي صلاتہ ، الأصح لزوم سجود السہو ؛ لأنہ صار منفردا حکما (مراقی الفلاح: ۲۵۳)