امریکی وزیر خارجہ انٹونی بلنکن 2 روزہ دورہ پر بیجنگ پہنچے
بلنکن کی چین آمد تقریباً پانچ ماہ بعد ہوئی ہے جب ایک سابقہ دورہ معطل کر دیا گیا تھا جب ایک مشتبہ چینی جاسوس غبارے نے امریکی فضائی حدود میں پرواز کی تھی۔
بیجنگ: امریکی وزیر خارجہ انٹونی بلنکن چینی افسران کے ساتھ دو روزہ میٹنگ کے لیے اتوار کو بیجنگ پہنچے۔ بی بی سی نیوز نے رپورٹ کے مطابق مسٹر بلنکن جنوری 2021 میں صدر جو بائیڈن کے عہدہ سنبھالنے کے بعد چین کا دورہ کرنے والے پہلے اعلیٰ ترین امریکی سرکاری افسر ہیں۔
امریکی حکام کا کہنا ہے کہ مذاکرات کا بنیادی مقصد انتہائی کشیدہ تعلقات کو مستحکم کرنا ہے۔ بی بی سی کے مطابق، مسٹر بلنکن کی چین آمد تقریباً پانچ ماہ بعد ہوئی ہے جب ایک سابقہ دورہ معطل کر دیا گیا تھا جب ایک مشتبہ چینی جاسوس غبارے نے امریکی فضائی حدود میں پرواز کی تھی۔
امریکہ اس دورے کے بارے میں زیادہ پر امید نہیں ہے۔ دونوں ممالک نے واضح کیا ہے کہ وہ کسی انتہائی اہم مسئلے کے حل ہونے کی توقع نہیں رکھتے۔
واضح رہے کہ چین نے تائیوان کے قریب فوجی مشقیں کی ہیں جسے چین اپنا اٹوٹ حصہ مانتا ہے۔ امریکہ تائیوان کی جمہوری طور پر منتخب حکومت کے ساتھ قریبی تعلقات رکھتا ہے۔
