تلنگانہ

تلنگانہ کے سابق وزیر ناگیشور راؤ بی آر ایس سے مستعفی

تلنگانہ کے سابق وزیر وریاست کی حکمران جماعت بی آرایس کے سینئر لیڈر ٹی ناگیشور راؤ نے بی آر ایس سے استعفیٰ دے دیا ہے۔

حیدرآباد: تلنگانہ کے سابق وزیر وریاست کی حکمران جماعت بی آرایس کے سینئر لیڈر ٹی ناگیشور راؤ نے بی آر ایس سے استعفیٰ دے دیا ہے۔

متعلقہ خبریں
بی آر ایس دور حکومت میں 600فون ٹیاپنگ معاملات کا انکشاف
ماہ صیام کا آغاز، مرکزی رویت ہلال کمیٹی کا اعلان
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
کانگریس اقتدار کے 100 دنوں میں 180 کسانوں کی خود کشی
چند یوٹیوب چیانلس پر جھوٹ پھیلانے کا الزام، قانونی کارروائی کرنے کا انتباہ

انہوں نے اپنا مکتوب استعفیٰ وزیراعلی و بی آرایس کے سربراہ کے چندرشیکھرراو کو روانہ کردیا۔

انہوں نے ایک سطری مکتوب میں لکھا کہ وہ پارٹی سے اپنا استعفیٰ پیش کررہے ہیں اوران تمام برسوں میں تعاون کے لئے ان کا شکریہ ادا کررہے ہیں۔

ناگیشورراو کھمم ضلع کے پالیروحلقہ سے پارٹی کے ٹکٹ کے خواہشمند تھے تاہم ان کے بجائے وزیراعلی نے 115 پارٹی امیدواروں کے نام میں ان کا نام شامل نہیں کیاتھا اور ان کی جگہ اس حلقہ سے اوپیندرریڈی کو امیدواربنایاگیا تھا۔

ٹکٹ سے محرومی کے بعد ناگیشورراو نے اپنے حلقہ میں اپنے حامیوں کے ساتھ اجلاس منعقد کرتے ہوئے یہ اشارہ دیا تھا کہ وہ پارٹی چھوڑدیں گے۔

ناگیشور راؤ نے 1985، 1994، 1999، 2009 میں تلگودیشم کے ٹکٹ پر ایم ایل اے کی حیثیت سے کامیابی حاصل کی۔ انہوں نے 2014 میں بی آر ایس میں شمولیت اختیار کی تھی جس کے بعد ان کو وزیربنایاگیا تھا۔