ایشیاء

سابق وزیر اعظم پاکستان عمران خان گرفتار

اسلام آباد کے انسپکٹر جنرل آف پولیس ڈاکٹر اکبر ناصر خان نے ان کی گرفتاری کی تصدیق کرتے ہوئے کہا کہ عمران خان کو القادر ٹرسٹ کیس میں گرفتار کیا گیا ہے۔ انہوں نے کہا کہ حالات کنٹرول میں ہیں۔

اسلام آباد: پاکستان کے سابق وزیر اعظم عمران خان کو منگل کو القادر ٹرسٹ کیس میں گرفتار کر لیا گیا۔ پاکستان تحریک انصاف پارٹی کے چیئرمین عمران خان کو اس مقدمے میں درج کئی ایف آئی آرز کے سلسلے میں گرفتار کیا گیا۔ وہ اس کیس میں ضمانت کے لیے اسلام آباد ہائی کورٹ گئے تھے۔ انہیں ہائی کورٹ کے باہر سے گرفتار کیا گیا۔

متعلقہ خبریں
تحصیلدار رشوت قبول کرتے ہوئے گرفتار
خط اعتماد چرانے والوں پر غداری کا مقدمہ چلایا جائے: عمران خان
عمران خان اور بشریٰ بی بی کو 4 اپریل کو عدالت میں پیش کرنے کا حکم
پاکستانی فوج کا مجھے 10سال جیل میں ڈالنے کا منصوبہ
رمضان میں ہند۔ پاک مچھیروں کی رہائی کا مطالبہ
https://twitter.com/KhaleejMag/status/1655874707634155526

جیو نیوز کے مطابق انہیں رینجرز نے گرفتار کیا اور کالے رنگ کی ویگو گاڑی میں لے گئے۔ اسلام آباد کے انسپکٹر جنرل آف پولیس ڈاکٹر اکبر ناصر خان نے ان کی گرفتاری کی تصدیق کرتے ہوئے کہا کہ عمران خان کو القادر ٹرسٹ کیس میں گرفتار کیا گیا ہے۔ انہوں نے کہا کہ حالات کنٹرول میں ہیں۔