مانو میں آئی ایم سی کا اردو فلم فیسٹول

حیدرآباد: مولانا آزاد نیشنل اُردو یونیورسٹی میں انسٹرکشنل میڈیا سنٹر (آئی ایم سی) کے زیر اہتمام 17 تا 19 مارچ 2023ء اپنی نوعیت کے اولین اردو فلم فیسٹول کا اہتمام کیا جارہا ہے۔

جناب رضوان احمد، ڈائرکٹر آئی ایم سی کے بموجب 17 مارچ کو 7 بجے شام آئی ایم سی پریویو تھیئٹر میں پروفیسر سید عین الحسن، وائس چانسلر، مانو اس فیسٹول کا افتتاح کریں گے۔

افتتاحی پروگرام میں ہندوستانی سنیما میں اردو زبان اور ثقافت ، اردو شاعری اور فلمی گیتوں کے رول پر ڈاکیومنٹری دکھائی جائے گی۔

فیسٹول میں ہندوستانی سنیما میں اردو زبان و ثقافت پر مبنی متنوع نوعیت کی حامل فلموں اور 6 حصوں پر مشتمل ڈاکیومنٹری بھی دکھائی جائے گی۔