کشن ریڈی نے پون کلیان سے ملاقات کی

حیدرآباد: مرکزی وزیر سیاحت اور تلنگانہ بھارتیہ جنتا پارٹی (بی جے پی) کے صدر جی کشن ریڈی نے چہارشنبہ کو جنسینا کے سربراہ پون کلیان سے ملاقات کی تاکہ آئندہ 30 نومبر کو ہونے والے تلنگانہ ریاستی اسمبلی کے انتخابات میں مشترکہ مقابلہ کے امکانات کا پتہ لگایا جا سکے۔ .

حیدرآباد میں جن سینا پارٹی کے دفتر میں آج ہوئی میٹنگ کے دوران دونوں جماعتوں کے درمیان تعاون پر تبادلہ خیال کیا گیا۔ بات چیت میں او بی سی مورچہ کے صدر راجیہ سبھا ممبر کے لکشمن بھی شامل ہو ئے۔

 بات چیت میں بنیادی طور پر نیشنل ڈیموکریٹک الائنس (این ڈی اے) کے ساتھ جن سینا کے اتحاد کو جاری رکھنے پر توجہ مرکوز کی گئی، جس میں آئندہ انتخابات ایک ساتھ لڑنے کے امکان پر خصوصی توجہ دی گئی۔

مسٹر کلیان نے بی جے پی کے نمائندوں کے سامنے جن سینالیڈروں کے جذبات کا اظہار کیا۔ اس بات پر روشنی ڈالی گئی کہ جن ینا نے 2014 کے انتخابات میں تلگو دیشم اور بی جے پی کی حمایت کی تھی۔

مزید یہ کہ بی جے پی کی اعلیٰ قیادت کی رہنمائی میں جن سینا جی ایچ ایم سی انتخابات سے ہٹ گئی۔ جن سینا کے لیڈروں نے اپنی ساکھ کو برقرار رکھنے کے لیے آئندہ انتخابات میں تقریباً 30 سیٹوں پر مقابلہ کرنے کی اہمیت پر زور دیا۔

 جن سینا پارٹی کے جاری کردہ ایک بیان کے مطابق،جناسینا اور بی جے پی مشترکہ طور پر الیکشن لڑیں گے یا نہیں اس بارے میں واضح فیصلہ اگلے ایک یا دو دن میں ہونے کی امید ہے۔