فیفا ورلڈ کپ: نورا فتحی کرسٹیانو رونالڈو کے ساتھ ڈانس کرنا چاہتی ہیں

ممبئی: بالی ووڈ اداکارہ نورا فتحی فیفا فٹبال ورلڈ کپ میں کرسٹیانو رونالڈو کے ساتھ ڈانس کرنا چاہتی ہیں۔ نورا فتحی نے حال ہی میں فیفا فٹبال ورلڈ کپ میں پرفارم کیا ہے۔

نورا فتحی نے کہا کہ میں کرسٹیانو رونالڈو کے ساتھ ڈانس نمبر کرنا چاہوں گی۔ جب میں انہیں کھیلتے ہوئے دیکھتی ہوں تو میں ان کا فٹ ورک دیکھ کر حیران رہ جاتی ہوں۔ انہوں نے اس کے لیے بہت محنت کی ہے۔ وہ بہت اچھے ڈانسر ہو سکتے ہیں۔

میرے خیال میں انہوں نے افرو سے کچھ ڈانس سیکھا ہے۔ اس کے لیے تیز فٹ ورک کی ضرورت ہوتی ہے اور وہ ایسا کر پاتے ہیں ۔ دوسری جانب اگر ڈانس پرفارمنس کی بات کریں تو مجھے شکیرا کا گانا بہت اچھا لگتا ہے۔ وہ بہت اچھا ڈانس کرتی ہیں۔