نئی دہلی کے اے پی بھون کی تقسیم، تلنگانہ کو 8 ایکڑ اراضی الاٹ

حیدرآباد: مرکزی وزارت داخلہ نے نئی دہلی میں اے پی بھون کو تقسیم کرنے کے احکامات جاری کئے ہیں۔ احکامات کے مطابق آندھرا پردیش کو 11.566 ایکڑ اور تلنگانہ کو 8.245 ایکڑ اراضی الاٹ کی گئی ہے۔

مرکزی حکومت کے فیصلہ کی رو سے گوداوری بلاک، سوارنامکھی بلاک، نرسنگ ہاسٹل میں 3.359 ایکڑ اور پٹودی ہاؤس میں 2.396 ایکڑ زمین آندھرا پردیش کو دی گئی۔

تلنگانہ کو صابری بلاک میں تین ایکڑ اور پٹودی ہاؤس میں 5.245 ایکڑ اراضی الاٹ کی گئی تھی۔

اس سلسلے میں دونوں ریاستوں کے چیف سیکرٹریز کو مکتوب بھیج دیئے گئے ہیں۔