بھارت

لندن میں بی بی سی کے خلاف 29 اکتوبر کو ہندوؤں کا احتجاج

برطانیہ میں ہندو پھر ایک بار احتجاج کی تیاری کررہے ہیں۔ اِس بار ان کا احتجاج بی بی سی کے خلاف ہوگا جس نے ان کے بقول مخالف ہندو ایجنڈہ کو آگے بڑھایا ہے اور وہ ”ہندو فوبک“ ہوگئی ہے۔

نئی دہلی: برطانیہ میں ہندو پھر ایک بار احتجاج کی تیاری کررہے ہیں۔ اِس بار ان کا احتجاج بی بی سی کے خلاف ہوگا جس نے ان کے بقول مخالف ہندو ایجنڈہ کو آگے بڑھایا ہے اور وہ ”ہندو فوبک“ ہوگئی ہے۔

29 اکتوبر کو لندن میں بی بی سی براڈکاسٹنگ ہاؤز‘ پورٹ لینڈکے سامنے یہ احتجاج ہوگا۔ برطانیہ میں ہندو ٹویٹر مہم چلارہے ہیں کہ لوگوں کی بڑی تعداد احتجاج میں حصہ لے۔

برٹش ہندو تنظیموں کا الزام ہے کہ سوشل میڈیا پلیٹ فارمس پر ہندوؤں کے تعلق سے جو غلط جانکاری دی جارہی ہے اسے مین اسٹریم برٹش میڈیا دی گارجین اور بی بی سی نے بڑھاوا دیا ہے جس کے نتیجہ میں کئی دہوں سے ہمہ ثقافتی ہم آہنگی کے لئے جانے جانے والے شہر لیسٹر میں ہندو فرقہ کے خلاف تشدد کو ہوا ملی۔

انڈیا نیریٹیو نے برطانیہ میں اس احتجاج کے بارے میں لوگوں سے بات چیت کی۔ لوگوں کو امید ہے کہ یہ احتجاج پچھلے احتجاج کے مقابلہ بڑا ہوگا۔ اس میں لوگوں کی زیادہ تعداد حصہ لینے کی توقع ہے۔ ستمبر کے اواخر میں ایسا ہی احتجاج اخبار دی گارجین کے خلاف ہوچکا ہے۔