ڈالر کے مقابلے روپیہ مزید کمزور، پہنچا کم ترین سطح پر

ممبئی: ڈالر کے مقابلہ ہندوستانی روپیہ اب تک کی سب سے کم ترین سطح پر پہنچ گیا ہے۔ آج ایک ڈالر کے مقابلہ ہندوستانی روپیہ کی قیمت 81.93 روپے تک گرگئی۔

بتایا گیا ہے کہ پوری دنیا میں معاشی سست روی کے خطرے کے پیش نظر سرمایہ کار، سرمایہ نکاسی میں مصروف ہیں جس کے بعد امریکی کرنسی کے دباؤ میں آج انٹربینکنگ کرنسی مارکیٹ میں روپیہ 40 پیسے نیچے گر گیا۔ ایکوئٹی اور ڈالر میں سرمایہ کاری ریکارڈ کم ترین سطح 81.93 روپے فی ڈالر پر ٹوٹ گئی۔

دریں اثنا، روپیہ پچھلے کاروباری دن 14 پیسے چھلانگ لگا کر 81.53 فی ڈالر پر پہنچ گیا تھا۔

آج صبح ٹریڈنگ کے آغاز پر روپیہ 37 پیسے کی کمی کے ساتھ 81.90 روپے فی ڈالر پر کھلا اور خرید کے دباؤ میں 82.02 روپے فی ڈالر کی کم ترین سطح پر آگیا۔ تاہم فروخت کے باعث یہ بھی 81.81 روپے فی ڈالر کی بلند ترین سطح پر رہا۔ آخر میں یہ گزشتہ روز کے 81.53 روپے فی ڈالر کے مقابلے میں 40 پیسے کی کمی کے بعد 81.93 روپے فی ڈالر پر آگیا۔