انتخابات نہ کرانے پر علیگڑھ مسلم یونیورسٹی طلبہ کا احتجاج کیلئے انتباہ

علیگڑھ: علیگڑھ مسلم یونیورسٹی (اے ایم یو) کے طلبہ نے دھمکی دی ہے کہ مقررہ تواریخ پر طلبہ یونین کے انتخابات کا فوری اعلان نہ کرنے پر بڑے پیمانے پر احتجاج شروع کیا جائے گا۔

اے ایم یو میں 2018ء سے انتخابات نہیں کئے گئے۔ جانب حسان اسٹوڈنٹ لیڈر نے کہا کہ وائس چانسلر انتخابات منعقد نہ کرواتے ہوئے طلبہ کے حقوق کی پامالی کررہے ہیں۔

انتخابات منعقد ہوئے 4 سال گذر گئے ہیں۔ ہم نے اِس بارے میں کچھ نہیں کہا، کیونکہ اِس دوران وباء پھیلی ہوئی تھی لیکن اب ہم انتخابات منعقد کرنے میں کوئی تاخیر قبول نہیں کریں گے۔

اے ایم یو پراکٹر وسیم علی نے کہا کہ انتخابات منعقد کرنے میں تاخیر کی وجہ کووڈ۔ 19 کی وباء رہی۔ اب صورتحال بہتر ہوئی ہے، حالات بتدریج پٹری پر واپس ہورہے ہیں اور طلبہ یونین کے انتخابات جلد منعقد کئے جائیں گے۔