ملازمہ کو اذیت پہنچانے پر سیما پاترا گرفتار

رانچی: کام کرنے والی کو زدوکوب کرنے اور ازیت پہنچانے کے الزام پر بی جے پی کی معطل کردہ قائد کو گرفتار کرلیا گیا ہے۔

سیما پاترا کو اس وقت تحویل میں لے لیا گیا جبکہ اس پر کام کرنے والی کے دانت توڑنے اور فاقہ کشی کیلئے مجبور کرنے کے الزامات ثابت ہوگئے ہیں۔

بی جے پی کی معطل سیماپاترا کا ویڈیو جس میں وہ گھریلو ملازمہ کے ساتھ زیادتی کر رہی ہیں‘وائرل ہوگیا۔سیماپاترا بی جے پی کی شعبہ خواتین کی ورکنگ کمیٹی کی رکن ہے جبکہ ان کے شوہر مہیشور پاترا ایک ریٹائرڈ آئی ایس عہدیدار ہے۔

کام کرنے والی سنیتا 10 سال سے سیما پاترا کے پاس کام کر رہی ہے‘جس کا تعلق قبائل سے ہے۔ ویڈیو میں سنیتا کو زخمی حالت میں دواخانہ کے بستر پر دیکھا جاسکتاہے۔