کھیل

ہندوستانی ٹیم کا 11 گیندوں پر بغیر کوئی رن بنائے 6 وکٹیں گنوانے کا نیا ریکارڈ

جنوبی افریقہ کے خلاف سیریز کے دوسرے ٹسٹ میچ میں 11 گیندوں پر 6 وکٹیں گنوانے پر ٹیم انڈیا نے شرمناک ریکارڈ بناڈالا۔

کیپ ٹاون: جنوبی افریقہ کے خلاف سیریز کے دوسرے ٹسٹ میچ میں 11 گیندوں پر 6 وکٹیں گنوانے پر ٹیم انڈیا نے شرمناک ریکارڈ بناڈالا۔

متعلقہ خبریں
محمد رضوان کو آؤٹ دینے کے متنازعہ فیصلے پر ہنگامہ
ہندوستان، کیپ ٹاون میں ٹسٹ جیتنے والی ایشیاء کی پہلی ٹیم۔ محمد سراج میان آف دی میاچ
اسرائیل کی حمایت پر جنوبی افریقہ نے اپنا کپتان تبدیل کردیا
کرکٹ کا 122 سالہ ریکارڈ ٹوٹ گیا

کیپ ٹاؤن ٹسٹ میچ کی پہلی اننگز میں محمد سراج کی تباہ کن بولنگ کے نتیجے میں ہوم گراؤنڈ پر افریقی ٹیم محض 55 رنز پر ڈھیر ہوگئی۔

1932 کے بعد جنوبی افریقہ کا ٹسٹ کرکٹ میں یہ سب سے کم اسکور تھا۔ ہندوستان نے اننگز کا آغاز کیا تو 153 کے مجموعی اسکور پر کے ایل راہول کی شکل میں ہندوستان کی چوتھی وکٹ گری تاہم اس کے بعد ہندوستانی بیٹنگ لائن کا فلاپ شو شروع ہوا۔

راہول کے آؤٹ ہونے کے بعد لنگی نگیڈی نے اسی اوور میں مزید دو وکٹیں لیکر ہندوستان پر کاری ضرب لگائی جبکہ کگیسو ربادا نے اگلے اوور میں 2 وکٹیں مزید لیکر ہندوستان کی بیٹنگ کو تہس نہس کردیا۔

بعدازاں دیگر دو کھلاڑی بھی افریقی بولرس کے آگے بے بس ہوگئے اور یوں 11 گیندوں کے دوران بغیر کسی رن کے اضافہ سے ہندوستان کی 6 وکٹیں گرگئیں۔ ٹسٹ کرکٹ کی 147 سالہ تاریخ میں ایسا پہلی بار ہوا ہے کہ 11 گیندوں کے دوران بغیر کسی رن کا اضافہ ہوئے 6 6 وکٹیں گری ہوں۔