سر تن سے جدا کا نعرہ‘ امیٹھی میں 7 افراد زیرحراست
اترپردیش کے ضلع امیٹھی میں میلاد جلوس کے دوران سر تن سے جدا کے نعرے لگانے کے الزام میں 2 کمسن لڑکوں اور 5 دیگر افراد کو حراست میں لیا گیا۔
امیٹھی: اترپردیش کے ضلع امیٹھی میں میلاد جلوس کے دوران سر تن سے جدا کے نعرے لگانے کے الزام میں 2 کمسن لڑکوں اور 5 دیگر افراد کو حراست میں لیا گیا۔
واقعہ کا ویڈیو سوشل میڈیا پر وائرل ہونے کے بعد ایف آئی آر درج ہوئی۔ امیٹھی میں محمد جائسی کے مزار پر یہ واقعہ پیش آیا۔
ہر سال کی طرح سینکڑوں لوگوں نے اس بار بھی جلوس نکالا تاہم بعض لوگوں کا موڈ جارحانہ دکھائی دیا۔
جلوس کے وائرل ویڈیو میں کئی نوجوانوں اور بچوں کو سر تن سے جدا کا قابل اعتراض نعرہ لگاتے دیکھا جاسکتا ہے۔ پولیس نے 10 تا 15 نامعلوم افراد کے خلاف کیس درج کیا۔ اس نے 9 افراد کا نام لیا ہے۔
