یوپی: ٹینک کا بیرل پھٹنے سے دو فوجی ہلاک

نئی دہلی: اتر پردیش کے بابینا فائرنگ رینج میں مشق کے دوران T-90 فوجی ٹینک کا بیرل پھٹنے سے دو فوجی ہلاک ہو گئے۔

فوج کے ذرائع نے جمعہ کو بتایا کہ واقعہ کے وقت تین فوجی ٹینک پر تھے۔ بیرل پھٹنے کے بعد انہیں فوری طور پر آرمی کے ببینا اسپتال لے جایا گیا تاہم کمانڈر اور گنر اسپتال میں دم توڑ گئے۔

تیسرے فوجی کی حالت خطرے سے باہر ہے اور اس کا علاج کیا جا رہا ہے۔

حادثے کی وجوہات جاننے کے لئے کورٹ آف انکوائری تشکیل دے دی گئی ہے۔ حادثے میں ہلاک ہونے والے جوانوں میں سے ایک کا تعلق راجستھان سے ہے جبکہ دوسرے کا تعلق مغربی بنگال سے ہے۔