دُبئی جانے والے طیارہ میں بم کی جھوٹی اطلاع

چینائی: دُبئی جانے والے ایک خانگی طیارہ میں بم کی موجودگی کی اطلاع جھوٹی ثابت ہوئی۔

پولیس کنٹرول روم کو گمنام کال آئی تھی جس کے بعد سیکوریٹی ایجنسیوں نے خانگی ایرلائن انڈیگو کے طیارہ کی تلاشی لی۔ کوئی دھماکو شئے نہیں پائی گئی جس سے عہدیداروں نے راحت کی سانس لی۔ صبح 7:20 بجے اڑان بھرنے والی اس پرواز میں تاخیر ہوئی۔

تقریباً 170 مسافرین اور طیارہ کے ارکان عملہ کو ہوٹل میں ٹھہرایا گیا۔ فون کرنے والے کی تلاش شروع کردی گئی ہے۔