کیرالا میں Baptism Event کے دوران سمیت غذا سے زائد از 100 افراد علیل

پٹھانم تیٹھا (کیرالا): کیرالا کے ضلع پٹھانم تیٹھا کے قیزوائی پور کے قریب ایک چرچ میں بپتسمہ کے دوران کھانا کھاتے وقت زائد از 100 افراد سمیت ِ غذا کا شکار ہوگئے۔

ریاستی وزیر صحت وینا جارج نے اس واقعہ کی تحقیقات کا حکم دے دیا ہے۔ فوڈ سیفٹی ڈپارٹمنٹ اس معاملہ کی تحقیقات کرے گا۔

اسے فوری رپورٹ داخل کرنے کی ہدایت دی گئی ہے۔ پولیس نے بتایا کہ اس نے کھانا فراہم کرنے والے کیٹررس کے خلاف ایک کیس دائر کیا ہے۔ غذائی نمونے حاصل کیے گئے تھے اور انہیں جانچ کے لیے بھیجا گیا ہے۔

پولیس کے مطابق ایک شخص کی حالت نازک ہے اور وہ ہاسپٹل میں شریک ہے، جب کہ دیگر خطرے سے باہر ہے۔