تلنگانہ

لوک سبھا انتخابات کی تیاریاں،تلنگانہ بی جے پی میں بعض تبدیلیوں کا اشارہ

مرکزی وزیرسیاحت و تلنگانہ بی جے پی کے صدرکشن ریڈی نے اس خصوص میں سرگرمیوں میں تیزی پیداکردی ہے۔حال ہی میں مرکزی وزیرداخلہ امیت شاہ نے ریاست کا دورہ کیا تھا۔

حیدرآباد: لوک سبھا انتخابات کی تیاریوں میں مصروف تلنگانہ بی جے پی میں بعض تبدیلیوں کا اشارہ ملا ہے۔ حال ہی میں ہوئے ریاستی اسمبلی کے انتخابات میں 8نشستیں حاصل کرنے والی زعفرانی جماعت کا نشانہ ریاست کی لوک سبھا کی 17نشستوں میں سے 10نشستوں کا ہے۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
لوک سبھا انتخابات رائے دہندوں کو راغب کرنے خاکوں (graphic novel) پر مشتمل کتاب منظر عام پر
کوٹا میں ایک اور کوچنگ طالبہ کی خودکشی
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
ایکتا یاترا کے ذریعہ ہندوؤں کی متحدہ طاقت کا مظاہرہ کیا جائے گا: بنڈی سنجے

اسی کے حصہ کے طورپرریاست کے 15اضلاع میں بی جے پی کے صدور کی تبدیلی کاامکان ہے،بتایاجاتا ہے کہ اس کیلئے ہائی کمان سے منظوری مل گئی ہے۔

مرکزی وزیرسیاحت و تلنگانہ بی جے پی کے صدرکشن ریڈی نے اس خصوص میں سرگرمیوں میں تیزی پیداکردی ہے۔حال ہی میں مرکزی وزیرداخلہ امیت شاہ نے ریاست کا دورہ کیا تھا۔اس موقع پر انہوں نے پارٹی کے مقامی لیڈروں کے اختلافات کو دور کرتے ہوئے پارلیمانی انتخابات میں مل کر کام کرنے اور پارٹی کے تنظیمی ڈھانچہ کو مستحکم کرنے کی ہدایت دی تھی۔

ریاست میں دس لوک سبھا کی نشستوں پرکامیابی کیلئے امیت شاہ کے دیئے گئے نشانہ کے ساتھ بی جے پی کی نئی ٹیم کے لئے کام شروع کرنے کی اطلاع ملی ہے۔کشن ریڈی نے پارٹی کے جنرل سکریٹریز سے اس خصوص میں تبادلہ خیال بھی کیا ہے۔ساتھ ہی پارٹی میں داخلی اختلافات کودور کرنے پر بھی توجہ دی جارہی ہے۔