آندھراپردیش

تارک رتنا اسمبلی الیکشن لڑنا چاہتے تھے

اداکار نندا موری تارک رتنا جو ہفتہ کی شب اس دنیا سے چل بسے، آئندہ سال منعقدشدنی آندھرا پردیش اسمبلی الیکشن لڑنا چاہتے تھے۔

حیدرآباد: اداکار نندا موری تارک رتنا جو ہفتہ کی شب اس دنیا سے چل بسے، آئندہ سال منعقدشدنی آندھرا پردیش اسمبلی الیکشن لڑنا چاہتے تھے۔

متعلقہ خبریں
صدر ٹی ڈی پی چندرا بابو کی درخواست پر سپریم کورٹ کا منقسم فیصلہ
ٹالی ووڈ اداکار تارک رتنا چل بسے
منشیات فروخت کیس: ٹالی ووڈ اداکار پی ناؤدیپ سے ای ڈی کی پوچھ تاچھ
اسمبلی انتخابات: چندرابابو نائیڈو کی پون کلیان سے ملاقات
سنٹرل جیل میں میری زندگی کو خطرہ، چندرا بابو نائیڈو کا الزام

حیدرآباد کے قریب ضلع رنگاریڈی میں آنجہانی اداکار کے مکان ”موکیلا“میں تارک رتنا کو خراج پیش کرنے کے بعد چندرا بابو نائیڈو نے یہ بات کہی۔

میڈیا کے نمائندوں سے بات چیت کرتے ہوئے تلگودیشم پارٹی کے صدر وسابق چیف منسٹر چندرا بابو نائیڈو نے کہا کہ انہیں امید تھی کہ تارک رتنا صحت یا ب ہوجائیں گے مگر وہ، ایام نوجوانی میں چل بسے جس کے سبب پورے خاندان کو زبردست صدمہ پہنچا۔

نائیڈو نے بتایا کہ اداکار، عوام کیلئے کچھ اچھا کرنا چاہتے تھے اور وہ آئندہ اسمبلی انتخابات میں حصہ لینے کے خواہاں تھے۔ تارک رتنا، چندرا بابو نائیڈو کے برادرنسبتی این موہن کرشنا کے فرزند تھے۔ چندرا بابو نائیڈو نے کہاکہ اداکار 22فروری کو 40سال کے ہونے والے تھے۔

انہوں نے کہا کہ ہم نے ایک نوجوان شخص کو کھودیا ہے جس کا مستقبل روشن تھا۔ وہ واحد اداکار تھے جنہوں نے ایک دن میں 9فلموں کو لانچ کیا تھا۔ فلم امراوتی میں شاندار مظاہرہ پر انہیں نندی ایوارڈ سے نوازا گیا تھا۔