شیر کے بچوں کو ماں سے ملانے کا آپریشن مدرٹائیگر آخری مرحلہ میں
حیدرآباد: آندھراپردیش کے ضلع نندیال میں آپریشن مدرٹائیگرآخری مرحلہ میں پہنچ گیا ہے جہاں پرجنگلاتی علاقہ میں شیر کے چاربچے پائے گئے تھے۔
ان کے پائے جانے کی ویڈیو کے سوشل میڈیا پر وائرل ہونے اور مقامی افراد کی اطلاع کے بعد محکمہ جنگلات کے عہدیداروں نے اس آپریشن کو شروع کیاتھا۔ان شیر کے بچوں کی عمر ایک ماہ ہے۔
ضلع کے کتہ پلی منڈل کے پداگومڑہ پورم میں ان شیر کے بچوں کی موجودگی سے مقامی افراد میں خوف پایاجاتا ہے۔
ان شیر کے بچوں کو ان کی ماں سے ان کو ملانے کیلئے محکمہ جنگلات کے عہدیداروں نے مدرٹائیگر آپریشن کا آغاز کیا ہے جو آخری مرحلہ میں داخل ہوگیا۔
اس آپریشن کے آغاز کے 72گھنٹوں کے بعد ان بچوں کی ماں کا پتہ چل گیا۔وٹرنری ڈاکٹرس ان بچوں کی دیکھ بھال کررہے ہیں۔
