آندھراپردیش میں مسافرین سے بھری بس اُلٹ گئی
بس کے ڈرائیورنے مخالف سمت سے آنے والی بائیک سے امکانی ٹکر سے بچنے کی کوشش کی اور اسی دوران یہ بس سڑک کے کنارے تالاب کے قریب الٹ گئی۔
حیدرآباد: آندھراپردیش کے ایلورو میں بڑاسڑک حادثہ ٹل گیاکیونکہ 35مسافرین کو لے جانے والی بس،موٹرسائیکل سے ٹکرانے سے محفوظ رہی تاہم اسی دوران بس کے ڈرائیورنے اس کا توازن کھودیا اور یہ بس الٹ گئی۔
ایلورو کے اینگالاپلی گاوں کے نواحی علاقہ میں یہ حادثہ پیش آیا۔ذرائع کے مطابق بس کے ڈرائیورنے مخالف سمت سے آنے والی بائیک سے امکانی ٹکر سے بچنے کی کوشش کی اور اسی دوران یہ بس سڑک کے کنارے تالاب کے قریب الٹ گئی۔
اس حادثہ میں دومسافرین معمولی زخمی ہوگئے۔اطلاع کے ساتھ ہی پولیس وہاں پہنچی جس نے زخمیوں کو علاج کے لئے اسپتال منتقل کیااور اس سلسلہ میں ایک معاملہ درج کرکے جانچ شروع کردی۔یہ بس گڈی واڑہ ڈپو کی ہے۔
