وشاکھاپٹنم میں مال بردارٹرین پٹری پر سے اترگئی
ذرائع کے مطابق ایک ماہ کے عرصہ میں اس روٹ پر دوسری مرتبہ ٹرین پٹریوں پر سے اترگئی۔اطلاع ملتے ہی ریلوے کے عہدیدار وہاں پہنچے جنہوں نے مرمت کے کام شروع کردیئے۔
حیدرآباد: آندھراپردیش کے وشاکھاپٹنم میں مال بردار ٹرین پٹری پر سے اترگئی۔یہ واقعہ ضلع کے کرنڈور ریلوے لائن پرشیوالنگاپورم کے قریب پیش آیا۔اس واقعہ میں ٹرین کی 15بوگیاں پٹریوں پر سے اترگئیں۔
جس کے نتیجہ میں اس روٹ پر دیگر ٹرینوں کی آمد ورفت متاثر ہوئی اور بعض پاسنجرٹرینوں کے رخ کو موڑدیاگیا۔ ذرائع کے مطابق ایک ماہ کے عرصہ میں اس روٹ پر دوسری مرتبہ ٹرین پٹریوں پر سے اترگئی۔اطلاع ملتے ہی ریلوے کے عہدیدار وہاں پہنچے جنہوں نے مرمت کے کام شروع کردیئے۔
