ویڈیو: ضلع چتور میں ہاتھی زرعی باؤلی میں گرگیا

حیدرآباد: آندھراپردیش کے ضلع چتورمیں ایک ہاتھی زرعی باولی میں گرگیا۔ یہ واقعہ مغلی گاؤں میں پیش آیا۔

مقامی افراد کی اطلاع پر چتورفاریسٹ رینج کے فاریسٹ گارڈس نے کامیابی کے ساتھ راحت آپریشن انجام دیتے ہوئے اس ہاتھی کو غرقاب ہونے سے بچالیا۔

محکمہ جنگلات کے ذرائع نے بتایا کہ پڑوسی ریاستوں کرناٹک اور تامل ناڈو سے ہاتھیوں کے جھنڈ اے پی کے ضلع چتور کی سرحد میں داخل ہوتے اوراور فصلوں کو نقصان پہنچایاکرتے ہیں۔

گذشتہ تین سالوں سے ان ہاتھیوں کے کسانوں پر حملوں کے بھی واقعات پیش آچکے ہیں۔

وزیرجنگلات رام چندرریڈی نے محکمہ جنگلات کے اسٹاف کو ہدایت دی ہے کہ کسانوں کے مفادات کا تحفظ کیا جائے اور ہاتھیوں کی نقل وحرکت پر پابندی عائد کی جائے۔

تاحال ہاتھیوں کے حملوں میں 6کسانوں کی موت ہوگئی ہے۔